thecaminare:

الاحد – ٢٤ يونيو – ٢٠١٢

نفسي اروح المكسيك…او الارجنتين…او ممكن كوبا .. او اي بلد مالبلاد الملونة دي….انا اصلي عندي هوس بالألوان و ياسلام لو معاها مزيكا …كتير اوي بتخيل نفسي في واحدة من البلاد دي ..أعدة علي بنش في شارع مليان بيوت ملونة و قصيرة… و المزيكا دي بتتلعب في مطعم صغير في آخر الشارع ..بس الصوت طالع و مسموع …و انا اعدة بسمع …الجو حر شوية لكن بهجة ألوان البيوت مش مخلية حد يحس بالحر …و  اتنين حبيبة بيبوسوا بعض في البنش اللي جمبي…أو لأ بيبوسوا بعض في الشارع و هما واقفين …ولاد الكلب عملوا مشهد رومانسي في مينيت! …شارع ضيق جميل.. بيوت ملونة …مزيكا و ست مكسيكية جميلة بتغني في المطعم الصغير اللي هناك…يبقي مايبوسوش بعض ليه إنشاءالله؟؟!!
مش عارفة ليه افتكرت الموضوع دا دلوقتي ….بس مرة كنت بتمشي لوحدي في الزمالك و كان ماشي قدامي ولد و بنت حاضنين بعض هي حاضناه من وسطه بحكم انها اقصر ..و هو واخدها تحت كتفه كدة! ….اول ما ركبوا العربية باسوا بعض ….صحيح مكانش في مزيكا طالعة من مطعم قريب…و البيوت مكانتش ملونة…لكن اللحظة اللي باسوا فيها بعض ..المزيكا اشتغلت فدماغي و الهوا بقي بيطير شعري و لقيت نفسي ببتسم غصب عني ….وقتها مكانش في حاجة طالعة فدماغي غير اني اقولهم ..شكرا عالبهجة

🙂

الكلام و المزيكا
شكراً يا نورا ع البهجة 🙂

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s